Rusiya şirkətləri Qarabağda teleyayım infrastrukturunun qurulmasına cəlb olunur

"Hazırda işğaldan azad olunmuş ərazilərdə genişzolaqlı internet şəbəkəsinin qurulması istiqamətində məqsədyönlü işlər görülür".

Bunu “Report”a Rusiyanın “RosEximBank”ın İdarə Heyətinin sədri Azər Talıbov bildirib.

Onun sözlərinə görə, indi Rusiya şirkətləri Qarabağda teleyayım infrastrukturunun qurulmasında iştirak edir.

Bank rəhbəri Rusiyada həm qiymət, həm də keyfiyyət baxımdan rəqabətcil optik liflər və digər müvafiq məhsullar istehsalçılarına Qarabağla bağlı layihələr üçün əlverişli şərtlərlə, uzun müddətə kredit ayırmağı təklif etdiklərini diqqətə çatdırıb.