Rəşad Nəbiyevin Qusardakı vətəndaş qəbulunun vaxtı növbəti dəfə dəyişdirilib

Rəqəmsal inkişaf və nəqliyyat naziri Rəşad Nəbiyevin yanvarın 27-də Quba, Xaçmaz və Qusar rayonlarının sakinləri ilə keçirilməsi nəzərdə tutulan vətəndaş qəbulunun vaxtı yanvarın 31-nə dəyişdirilib.

"Report" nazirliyə istinadən xəbər verir ki, nazir vətəndaşları Qusar şəhərində yerləşən Heydər Əliyev Mərkəzində saat 09:00-da qəbul edəcək.

Qəbula yanvarın 24-nə qədər nazirliyin “Çağrı Mərkəzi” (1655) və elektron poçtu (office@mincom.gov.az), 010 250 48 48 və 012 598 58 58 (daxili 222 və 290) nömrəli telefonlar vasitəsilə yazılmaq mümkündür.