Bakı. 29 yanvar. REPORT.AZ/ Azərbaycanın rabitə və informasiya texnologiyaları naziri Əli Abbasov fevralın sonunda Fransaya səfər edəcək. Bu barədə "Report"a Fransanın Azərbaycandakı səfiri Paskal Mönye bildirib.
O deyib ki, Ə.Abbasov YUNESKO-nun keçirdiyi Genişzolaqlı Rabitə üzrə Beynəlxalq Forumda iştirak edəcək. Səfirin sözlərinə görə, Fransanın xarici ticarət nazirinin də Azərbaycana səfəri gözlənilir, lakin səfərin dəqiq vaxtı hələ məlum deyil.