MNP sistemi "Bakcell"in korporativ müştərilərinin sayını artırıb

Bakı. 2 dekabr. REPORT.AZ/ Ötən ildən tətbiq olunmağa başlayan nömrələrin daşınması xidməti (MNP) "Bakcell" şirkətinin xeyrinə işləyib. Bu xidmətin tətbiqi nəticəsində "Bakcell" şirkətinin korporativ abunəçilərinin sayı artıb.

Bunu "Report"a açıqlamasında "Bakcell" şirkətinin baş icraçı direktoru Riçard Şirer bildirib.

Onun sözlərinə görə, bu xidmətin tətbiqi ilə "Bakcell"ın platformasına daşınan nömrələrin sayı gedənlərdən daha çox olub: "Amma bizi maraqlandıran yeni müştərilərin mütləq sayı deyil, onların keyfiyyətidir. Hazırda bu imkanlardan istifadə edərək iri biznes müştəriləri nömrələrini bizim platformaya daşıyır. Çünki "Bakcell"in şəbəkəsi digər mobil operatorlardan daha güclü və böyükdür".