Kəşfiyyat peykinin göndərilməsi son anda təxirə salındı

ABŞ ordusu üçün kəşfiyyat peykini orbitə göndərəcək “Delta IV Heavy” raketinin Floridadakı Kanaveral burnunda yerləşən mərkəzdən buraxılması 3 saniyə qalmış təxirə salınıb.

“Report” bu barədə peykin buraxılışını həyata keçirən “United Launch Alliance” (ULA) fəza cihazları göndərmə şirkətinə istinadən xəbər verir ki, belə bir addım texniki (ULA) nasazlığa görə atılıb.

Qeyd edək ki, fəzaya göndəriləcək peyk Milli Kəşfiyyat Ofisinin (NRO) həyata keçirdiyi NROL-44 məxfi missiya üçün nəzərdə tutulur.

“SpaceX” şirkəti tərəfindən bazar gününə nəzərdə tutulmuş iki peykin göndərilməsi də təxirə salınıb.