İnformasiya və rabitə xidmətlərindən gəlirlərin 82 %-dən çoxu özəl sektorun payına düşüb

Bu ilin yanvar-iyun aylarında Azərbaycanda informasiya və rabitə müəssisələri 1 milyard 260,3 milyon manatlıq xidmət göstərib.

“Report” xəbər verir ki, bu barədə Dövlət Statistika Komitəsi məlumat yayıb.

Bildirilir ki, bunun 76 %-i əhali sektoruna aid olub.

6 ay ərzində göstərilmiş informasiya və rabitə xidmətlərinin həcmi əvvəlki ilin müvafiq dövrü ilə müqayisədə 14,2 % artıb, bu sahədə əldə edilmiş gəlirin 82,3 %-i qeyri-dövlət sektorunun payına düşüb.