İlqar Musayev: "İnformasiya və kiber təhlükəsizliklə bağlı kadr çatışmazlığı var"

Dövlət orqanlarında informasiya və kiber təhlükəsizliklə bağlı kadr çatışmazlığı var.

"Report" xəbər verir ki, bunu jurnalistlərə açıqlamasında Xüsusi Rabitə və İnformasiya Təhlükəsizliyi Dövlət Xidmətinin rəisi İlqar Musayev bildirib.

"Kiberdiplomatiya ilə bağlı Azərbaycandakı digər qurumlar da tədbirlər keçirməlidir, çünki hazırda ölkənin bu sahəyə, bu istiqamətdə mütəxəssislərə ehtiyacı var. Bizim Dövlət Xidməti olaraq informasiya və kiber təhlükəsizliklə bağlı dövlət orqanları qarşısında müəyyən tələblərimiz var. Amma bu tələblərin yerinə yetirilməsi ilə bağlı onlarda kadır çatışmazlığı var. Bunu aradan qaldırmaq üçün hər bir dövlət orqanı səy göstərməlidir", - deyə o qeyd edib.