“Huawei” də Pentaqonun sanksiya siyahısına düşdü

ABŞ Müdafiə Nazirliyi sanksiya tətbiq edilə biləcək Çin şirkətlərinin siyahısını təqdim edib.

“Report” xəbər verir ki, bu barədə “Reuters” sənədə istinadən məlumat verib.

Pentaqonun siyahısına “Huawei” və “Hikvision” kimi telekommunikasiya şirkətləri, eləcə də “China Telecom” və “China Mobile” kimi telefon operatorları da daxil olmaqla, 20 böyük şirkət daxil edilib.

Qurumdan bildiriblər ki, bu şirkətlər Çin Xalq Qurtuluş Ordusu tərəfindən idarə olunur və ya onlara məxsusdur, buna görə də məhdudlaşdırıcı tədbirlərin yaranmasına səbəb var.

Nazirlik nümayəndəsi siyahının ABŞ Konqresinə göndərildiyini də əlavə edib.