“Google Play”in əlavələrində zərərli proqramlar aşkarlanıb

“Google Play”in 200-dən çox əlavəsində zərərli reklam proqram təminatı aşkarlanıb.

“Report” RİA "Novosti”yə istinadən xəbər verir ki, “Check Point Research” şirkətinin yaydığı məlumata əsasən, virusa yoluxan əlavələrdən çoxu simulator oyunlar olduğu üçün “SimBad” adı verilən həmin zərərli proqram reklam nümayişi, fişinq, başqa əlavələrə giriş açmaq kimi üç funksiyaya malikdir. Fişinq spam və müxtəlif qurumlar adından saxta mesajlar vasitəsilə məxfi məlumat oğurlamağın üsuludur. Bir neçə platformda yaradılan fişinq səhifələri brauserdə də açılmaqla istifadəçi fişinqə məruz qalmış olur.

Zərərli proqram həmçinin “Google Play” və “9Apps” kimi əlavələr zərfi açmaqla təyinat serverdən silinən əlavəni qura bilir. Bu yolla istənilən vaxt yeni zərərli proqram qurmaqla qanunsuz gəlirini artırmaq mümkündür.