"Google" "Android" üçün fəaliyyəti çətinləşdirir

"Google" şirkəti təsdiqlənməmiş tərtibatçıların tətbiqlərini "Android" cihazlarına quraşdırmağı daha da çətinləşdirməyə başlayıb.

"Report"un xəbərinə görə, bu barədə "Android Authority" portalı məlumat verib.

"Google"un yeni quraşdırma qaydalarını tətbiq etməyə başladığı bildirilir. Bu qaydalara əsasən, istifadəçilər təsdiqlənməmiş tərtibatçıdan tətbiq yükləmək istəklərini təsdiqləməli, cihazlarını yenidən başlatmalı və sonra istifadə edə bilməzdən əvvəl daha 24 saat gözləməlidirlər. Bu tədbir istifadəçilərin saxta tətbiqlər quraşdırmasının qarşısını almaq üçündür.

Nəşr qeyd edir ki, prosedur təsdiqlənməmiş tərtibatçılardan artıq yüklənmiş tətbiqlərin yeniləmələrinə də tətbiq olunacaq.