“Bir Pəncərə” İxraca Dəstək Mərkəzi vasitəsi ilə ixrac 50 %-ə yaxın azalıb

Bu ilin dekabr ayında “Bir Pəncərə” İxraca Dəstək Mərkəzi vasitəsilə həyata keçirilmiş qeyri-neft ixracının dəyəri 21,5 milyon ABŞ dolları təşkil edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) hazırladığı “İxrac icmalı”nın dekabr sayında bildirilir.

Sənədə əsasən, bu, ötən ilin eyni dövrü ilə müqayisədə 19,5 milyon ABŞ dolları yaxud 47,5 % azdır.

2023-cü ildə isə Mərkəzin xətti ilə 242,9 milyon ABŞ dolları dəyərində qeyri-neft ixracı həyata keçirilib.