​"Aztelekom" Birliyi MMC-yə çevrilib

Bakı. 9 iyul. REPORT.AZ/ "Aztelekom” İstehsalat Birliyi məhdud məsuliyyətli cəmiyyətə (MMC) çevrilib. "Report" məlumat verir ki, bu haqda Azərbaycan qəzetində məlumat yerləşdirilib.

"Aztelekom” İB-nin MMC-yə çevrilməsi Əmlak Məsələləri Dövlət Komitəsinin sərəncamına uyğun olaraq həyata keçirilib.

Xatırladaq ki, 1996-cı ildə qeydiyyata alınmış "Aztelekom” İB Rabitə və Yüksək Texnologiyalar Nazirliyinin strukturuna daxildir və Azərbaycan ərazisində (Bakı istisna olmaqla) stasionar telefon rabitəsinin təmin edilməsi ilə məşğul olur.