“Azərkosmos”: “Azerspace-2” peykinin gəliri ona çəkilmiş xərcdən 2 dəfə çox olacaq

Bakı. 26 sentyabr. REPORT.AZ/ Bu gecə orbitə buraxılmış “Azerspace-2” peykinin ümumi dəyəri 190 mln. ABŞ dollarıdır.

“Report” xəbər verir ki, bu barədə “Azərkosmos” ASC-nin açıqlamasında bildirilir.

Məlumatda həmçinin deyilir ki, peykin ölkə iqtisadiyyatına 400 mln. dollar gəlir gətirəcəyi proqnozlaşdırılır. Başqa sözlə, peykin gəliri ona çəkilmiş xərcdən, təxminən, 2 dəfə çox olacaq.