Azərbaycanın İKT sektorunda məhsul istehsalı 15 % artıb

Bu ilin yanvar-aprel aylarında Azərbaycanda informasiya və rabitə sektorunda 664,4 milyon manatlıq məhsul istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 12,5 % çoxdur.

Təkcə aprel ayında bu sektorda 175 milyon manatlıq məhsul istehsal olunub ki, bu da əvvəlki aya nisbətən 5 %, ötən ilin eyni dövrünün göstəricisindən 15 % çoxdur.

Xatırladaq ki, bu ilin yanvar-aprel aylarında Azərbaycanda 38 milyard 181,9 milyon manatlıq və yaxud ötən ilin eyni dövrü ilə müqayisədə 4,3 % çox ümumi daxili məhsul istehsal olunub.