Azərbaycanda ödənişli xidmətlərin həcmi 2,3% artıb

Bakı. 18 mart. REPORT.AZ/ Bu ilin yanvar-fevral ayları ərzində əhaliyə göstərilən ödənişli xidmətlərin həcmi 2015-ci ilin eyni dövrü ilə müqayisədə 2,3% artaraq 1145,9 mln. manat olub.

“Report” Dövlət Statistika Komitəsinə istinadən bildirir ki, artımın 58,8%-ni hüquqi şəxslər təmin edib. Onlar tərəfindən əhaliyə 850,1 mln. manatlıq xidmət göstərilib ki, bu da ötən ilin müvafiq dövrünün göstəricisini 1,8% üstələyib.

Bu ilin yanvar-fevral ayları ərzində hər bir ölkə sakini orta hesabla 119,4 manatlıq və ya ötən ilin müvafiq dövrü ilə müqayisədə 5,8 manat çox müxtəlif ödənişli xidmətlərdən istifadə edib.