Azərbaycanda kompüterlərin bazar payı bir ayda 34 % azalıb

Bu ilin mart ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 60,21 % təşkil edib.

"Report"un "Statcounter" agentliyinin son hesabatına istinadən verdiyi məlumata görə, bu, əvvəlki aya nisbətən 20,22 faiz bəndi çox, 2025-ci ilin eyni dövrünün göstəricisi ilə müqayisədə isə 12,99 faiz bəndi azdır.

Kompüterlərin bazar payı aylıq 20,42 faiz bəndi azalaraq, illik müqayisədə isə 13,32 faiz bəndi artaraq 39,22 % olub. Beləliklə kompüterlərin bazar payı aylıq ifadədə 34 % azalıb.

Martda planşetlərin bazar payı 0,57 % təşkil edib. Bu göstərici aylıq 0,20 faiz bəndi artıb, bir il əvvələ müqayisədə isə 0,33 faiz bəndi azalıb.