Azərbaycan innovativ inkişaf reytinqində 2 pillə irəliləyib

Azərbaycan bu il innovativ inkişaf reytinqini əks etdirən "Global Innovation Index 2020" hesabatında 131 ölkə arasında 82-ci yeri tutub.

"Report" bu barədə xarici mətbuata istinadən xəbər verir. 

Xatırladaq ki, ötən il ölkəmiz sözügedən reytinqdə 84-cü pillədə qərarlaşmışdı. 

Hesabata əsasən, bu il siyahıda ilk 10-luqda İsveçrə, İsveç, ABŞ, Böyük Britaniya, Hollandiya, Danimarka, Finlandiya, Sinqapur, Almaniya və Cənubi Koreya qərarlaşıb.

İran siyahıda 67-ci, Gürcüstan 63-cü, Ermənistan 61-ci, Türkiyə 51-ci, Rusiya isə 47-ci yeri tutub.

"Global Innovation Index 2020" 2008-ci ildən yayımlanır, "Global Innovation Index", "INSEAD Business School", "Jhonson University of Cornell" və WIPO (World Intellectual Property Organization) tərəfindən hazırlanır.