Yuxarı

Seul KXDR idmançılarının Qış Olimpiadasında iştirak xərclərini ödəyəcək

Seul KXDR idmançılarının Qış Olimpiadasında iştirak xərclərini ödəyəcək
Xərclərin dəqiq məbləği açıqlanmayıb

Bakı. 12 yanvar. REPORT.AZ/ Cənubi Koreya KXDR-in nümayəndə heyətinin Pxençxanda keçiriləcək 2018-ci il Qış Olimpiya Oyunlarına gəlməsi ilə bağlı bütün maliyyə xərclərini öz üzərinə götürməyə hazırdır.

“Report” xəbər verir ki, bu barədə Cənubi Koreyanın Birləşmə İşləri üzrə Nazirliyinə istinadən “İzvestiya” məlumat yayıb.

“Keçmişdə Koreya Respublikası Cənubda keçirilmiş idman tədbirlərində KXDR idmançılarının maliyyələşdirilməsini həyata keçirib. Bunlara vəsait Koreyalararsı Əməkdaşlıq Fondu tərəfindən ödənilib”, — deyə idarənin məlumatında qeyd olunub.

1991-ci ildə yaradılmış Fondun büdcəsi 899 milyon dollar təşkil edir.

Xərclərin dəqiq məbləği açıqlanmayıb. Bu, Beynəlxalq Olimpiya Komitəsi, Cənubi və Şimali Koreya dövlətlərinin mili olimpiya komitələri, həmçinin Qış Olimpiya Oyunları – 2018-in Təşkilat Komitəsi nümayəndələrinin iştirakı ilə keçiriləcək görüşdən sonra müəyyən ediləcək. Görüş yanvarın 13-də keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi