Yuxarı

Qadın voleybolçular arasında Azərbaycan Super Liqasının qalibi müəyyənləşib

Qadın voleybolçular arasında Azərbaycan Super Liqasının qalibi müəyyənləşib
Telekom komandası qızıl medallara sahib çıxıb

Bakı. 27 mart. REPORT.AZ/ "Telekom" komandası qadın voleybolçular arasında Azərbaycan Super Liqasının 2016/2017 mövsümünün qalibi olub.

"Report"un məlumatına görə, serbiyalı Zoran Qaiçin rəhbərlik etdiyi kollektiv ölkə çempionatının son turunda "Lokomotiv"i 3:0 hesabı ilə məğlub edərək, qızıl medallara sahib çıxıb.

Mövsümə saat 18:00-da start götürəcək "Azəryol” – "Azərreyl” matçı ilə yekun vurulacaq. Lakin həmin görüşün nəticəsi heç bir əhəmiyyət kəsb etmir. "Telekom"un qalibiyyətindən sonra "dəmiryolçular” çempion titulu ilə vidalaşaraq, gümüş medalla kifayətləniblər. "Azəryol" isə bürünc medalları daha əvvəl özü üçün təmin etmişdi.

"Azərreyl” Voleybol Bazasında baş tutacaq matçdan sonra mükafatlandırma mərasimi olacaq.

Qeyd edək ki, reqlamentə əsasən, xallar deyil, qələbə sayı əsas götürülür. Hesabında 12 xal olan "Lokomotiv" 4-cü, xal qazana bilməyən Gürcüstan komandası isə sonuncu yeri tutub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi