Yuxarı

Bakıda voleybolçu qadınlar arasında dünya çempionatının seçmə qrup oyunlarına start verilib

Bakıda voleybolçu qadınlar arasında dünya çempionatının seçmə qrup oyunlarına start verilib
Azərbaycan, Hollandiya və Ukrayna yığmaları ilk turu qələbə ilə başa vurub

Bakı. 30 may. REPORT.AZ/ Bakıda voleybolçu qadınlar arasında 2018-ci il dünya çempionatının Avropa zonası üzrə E qrupunun oyunlarına start verilib. "Report"un məlumatına görə, ilk turun hər 3 qarşılaşmasında eyni hesab qeydə alınıb.

Azərbaycan milli komandası Norveçi, Hollandiya Danimarkanı, Ukrayna isə İsraili çətinlik çəkmədən yenib.

Beləliklə, ilk turdan sonra Azərbaycan, Hollandiya və Ukrayna hərəyə 3 xalla E qrupuna başçılıq edir. Danimarka, Norveç və İsrail isə xalsızdır. Mayın 31-də keçiriləcək ikinci tur oyunlarında Hollandiya Norveçlə, Danimarka İsraillə, Azərbaycan isə Ukrayna ilə üzə-üzə gələcək.


Dünya çempionatının seçmə mərhələsi

E qrupu

15:00. Danimarka - Hollandiya - 0:3 (12:25, 13:25, 9:25)

Hakimlər: Mixail Temelis (Yunanıstan), Sanya Miklosiç (Serbiya)

17:30. Azərbaycan - Norveç - 3:0 (25:15, 25:10, 25:6)

Hakimlər: Sabine Vitte (Almaniya), Roberto Boris (İtaliya)

20:00. İsrail - Ukrayna - 0:3 (22:25, 20:25, 11:25)

Hakimlər: Bruno Muha (Xorvatiya), Saşa Stanişiç (İsveçrə)

Qeyd edək ki, bütün görüşlər Bakı İdman Sarayında keçirilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi