Azərbaycan cüdoçuları dünya reytinq cədvəlinə başçılıq edirlər

Bakı. 9 noyabr. REPORT.AZ/ Beynəlxalq Cüdo Federasiyasının yeni reytinq cədvəli Azərbaycan cüdoçuları üçün uğurlu olub.

"Report" xəbər verir ki, Rio Olimpiadasının mükafatçıları Rüstəm Orucov (73 kq) və Elmar Qasımov (100 kq) öz çəkilərində bütün rəqiblərini qabaqlayaraq reytinq cədvəlinə başçılıq edirlər.

Son Avropa çempionatının gümüş medalçısı Orxan Səfərov (60 kq) 2-ci yeri tutur. Abu-Dabi "Böyük Dəbilqə" turnirinin qalibi, dünya çempionu Elxan Məmmədov (100 kq) mövqeyini daha da yaxşılaşdıraraq 7-ci yerdə qərarlaşıb.

Digər cüdoçularımızdan Nicat Şıxəlizadə 7, Məmmədəli Mehdiyev və Uşanqi Kokauri 20-ci yerdədirlər.