Sumqayıtda cüdo üzrə seminar keçirilib

Bakı. 8 dekabr. REPORT.AZ/ Sumqayıt şəhərində Azərbaycan Cüdo Federasiyasının təşkilatçılığı ilə hakimlər və məşqçilər üçün seminar keçirilib.

"Report"un federasiyanın rəsmi saytına istinadən verdiyi məlumata görə, cüdo ictimaiyyətinin nümayəndələri, məşqçilər, hakimlər və federasiya rəsmilərinin də iştirak etdiyi tədbir nəzəri hissədən ibarət olub. Azərbaycan Dövlət Bədən Tərbiyyəsi və İdman Akademiyasının kafedra müdiri Nazim Məcidov məruzə ilə çıxış edib.

Tədbirdə cüdonun yeni qayda və qanunlarının tətbiqi əyani şəkildə göstərilib, geniş müzakirə edilib, fikir mübadilələri aparılıb.