Yuxarı
    Bağlamaq

    “Sağlam gənc nəslin formalaşmasında idmanın rolu” adlı tədbir keçirilib

    Dinlə

    Bakı. 7 dekabr. REPORT.AZ/ Bakı Olimpiya Stadionunda “Sağlam gənc nəslin formalaşmasında idmanın rolu” adlı tədbir keçirilib.

    “Report” xəbər verir ki, tədbir Sabunçu Rayon İcra Hakimiyyəti və Bakı Olimpiya Stadionunda fəaliyyət göstərən “Olimpiya” Peşakar Döyüş Klubunun birgə təşkilatçılığı baş tutub.

    Mərasimdə Sabunçu Rayon İcra Hakimiyyəti başçısının müavini Rəna Fərəcova, Bakı Olimpiya Stadionunun əməkdaşı Fərid Əsədzadə, “Olimpiya” Peşəkar Döyüş Klubunun məsul əməkdaşı, Azərbaycanın əməkdar məşqçisi Ceyhun Abbasov, klubun məşqçiləri Rəşad Həsənov, Ruslan Əfəndiyev, rayonun təhsil müəssisələrinin direktorları iştirak ediblər.

    Tədbirə həmçinin Sabunçu Rayon İcra Hakimiyyətinin “Biz birliyin rəmziyik” devizli könüllüləri, Sabunçu Gənclər Evinin gənc fəalları, Bakı Olimpiya Stadionunun məsul əməkdaşları və “Olimpiya” Peşəkar Döyüş Klubunun idmançıları qatılıblar.

    Qeyd edək ki, “Olimpiya” Peşəkar Döyüş Klubu ötən ilin noyabrında istifadəyə verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi