Yuxarı

Rauf Məmmədov: "Əsas mübarizə istirahət günündən sonra olacaq"

Hazırda kimin qalib gələcəyini söyləmək mümkün deyil

Bakı. 22 aprel. REPORT.AZ/ "ShamkirChess 2018" superturnirində IV tur sona yaxınlaşır. Azərbaycan şahmatçısı Rauf Məmmədov Polşa şahmatçısı Radoslav Voytaşeklə heç-heçə oynayıb.

Turnirin mətbuat xidmətindən “Report”a verilən məlumata görə, Rauf mətbuat konfransında partiya haqqında bunları deyib:

"Bir qədər fərqli oyun oldu. Üstünlük qazandığımı hesab edirdim. Sonradan oyun bərabərləşdi. Voytaşek mümkün qədər sakit oynamağa can atırdı. Nəticədə partiya bərabərliklə başa çatdı. Fikrimcə şahmatçılar bir qədər ehtiyatlı oynayırlar. Ardıcıl 4 tur heç-heçə oynamaq pis nəticə deyil. Müəyyən mənada yorğunluq özünü göstərir. Əsas mübarizə istirahət günündən sonra olacaq.

Şəmkirdə ən güclü şahmatçılar mübarizə aparır. Ona görə hər biri çox diqqətlidir. Belə heyətdə yer almaq çox xoşdur. Bəzən reytinqi düşünərək risk etmək olmur. Digər tərəfdən partiyalarda böyük üstünlük qazanılmayıb. Əksər görüşlər bərabər səviyyədədir. Hazırda kimin qalib gələcəyini söyləmək mümkün deyil. Son turları gözləmək lazımdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi