Yuxarı

Olimpiadada bürünc medal qazanan rusiyalı idmançının dopinqdən yararlandığı təsdiqlənib

Aleksandr Kruşelnitskinin B dopinq-testi də müsbət çıxıb

Bakı. 19 fevral. REPORT.AZ/ Cənubi Koreyanın Pxençxan şəhərində keçirilən XXIII Qış Olimpiya Oyunlarında körlinq növü üzrə bürünc medal qazanan rusiyalı idmançı Aleksandr Kruşelnitskinin B dopinq-testi də müsbət nəticə verib.

"Report"un "Inside The Games" nəşrinə istinadən məlumatına görə, A nümunəsində də dopinq aşarkarlanan idmançının ikinci nümunəsi bu gün səhər saatlarında Seuldakı Anti-Dopinq Laboratoriyasında açılıb. İdmançının B nümunəsində də meldonium maddəsi aşkarlanıb. 

Olimpiadada Kruşelnitski həyat yoldaşı Anastasiya Brızqalova ilə birgə çıxış edib. Onlar qarışıq qoşa yarışda bürünc medal qazanıblar. Kişi körlinqçinin dopinq-testinin müsbət nəticə verməsi üzündən Rusiya Pxençxan-2018-də qazandığı ilk medaldan məhrum edilə bilər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi