Naxçıvanda cüdo seminarı keçirilib

Bakı. 17 noyabr. REPORT.AZ/ Naxçıvanda Azərbaycan Cüdo Federasiyasının (ACF) təşkilatçılığı ilə yeniyetmə cüdoçular, məşqçi və hakimlər üçün seminar keçirilib.

“Report” xəbər verir ki, seminar Federasiya tərəfindən Muxtar Respublikaya ezam olunmuş ACF-in rəsmiləri tərəfindən aparılıb. Seminarda cüdonun qaydaları barəsində ətraflı məlumat verilib.

Beynəlxalq dərəcəli hakim Valeh Məhərrəmov cüdonun yeni texnika və qaydalarını həm nəzəri, həm də praktiki olaraq iştirakçıların diqqətinə çatdırıb.