Güləş üzrə növbəti dünya çempionatının keçiriləcəyi şəhər müəyyənləşib

Bakı. 13 sentyabr. REPORT.AZ/ Güləş üzrə 2019-cu il dünya çempionatı Qazaxıstanın paytaxtdı Astanada təşkil olunacaq.

"Report" xəbər verir ki, bu barədə Qazaxıstan Güləş Federasiyasının vitse-prezidenti Erlan Kojasbay şəxsi "Facebook" profilindən paylaşım edib. O, ev sahibliyi ilə bağlı seçimdə Türkiyənin İstanbul şəhərinə qalib gəldiklərini qeyd edib.

Qazaxıstanda keçiriləcək dünya çempionatı həm də 2020-ci il Tokioda Yay Olimpiya Oyunlarına lisenziya xarakteri daşıyacaq. Mundial 2019-cu ildə 14-22 sentyabr tarixlərində baş tutacaq.

Qeyd edək ki, builki dünya çempionatı 22-28 oktyabrda Macarıstanın paytaxtı Budapeştdə keçiriləcək.