Yuxarı

Bakıda xüsusi ekspress avtobus xətti açılıb

Bu məqsədlə BNA tərəfindən xəttə 15 nəqliyyat vasitəsi ayrılıb

Bakı. 11 may. REPORT.AZ/ IV İslam Həmrəyliyi Oyunları çərçivəsində Bakı şəhəri Xəzər rayonunun Şüvəlan qəsəbsəində yerləşən “Azal Arena”da keçirilən futbol yarışlarını izləmək istəyən tamaşaçılar, könüllülər və digər şəxslərin rahat daşınmasını təmin etmək üçün bu gündən etibarən xüsusi ekspress xətt fəaliyyətə başlayıb. 

Bakı Nəqliyyat Agentliyindən "Report"a verilən məlumata görə, bu xətt üzrə avtobuslar metronun "Koroğlu" stansiyasının qarşısından “Azal Arena”ya, eləcə də əks istiqamətdə hərəkət edir. Bu məqsədlə 15 nəqliyyat vasitəsi ayrılıb.

Həmçinin,  mayın 11-nə keçirilən idman yarışları ilə əlaqədar Bakı Kristal Zalı, “Bayıl Arena” və Sərhədçi Olimpiya İdman Kompleksi istiqamətindən hərəkət edən marşrut xətləri üzrə nəqliyyat vasitələrinin sayı artılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi