Yuxarı

Avropa Olimpiya Komitəsinin Olimpiya Oyunları Komissiyasının iclası keçirilib

Avropa Olimpiya Komitəsinin Olimpiya Oyunları Komissiyasının iclası keçirilib

Bu gün İsveçrənin Lozanna şəhərində Milli Olimpiya Komitəsinin (MOK) vitse-prezidenti Çingiz Hüseynzadənin sədrliyi ilə Avropa Olimpiya Komitəsinin Olimpiya Oyunları Komissiyasının iclası keçirilib.

MOK-dan "Report"a verilən məlumata görə, Milli Olimpiya Komitələrinin Assosiyasiyasının (ANOK) baş qərargahında keçirilən iclasda Avropa idman modeli, Avropa Olimpiya Komitəsinin Şamorin iclası, Olimpiya Xartiyasının 40-cı və 50-ci maddələri, Tokio 2020 Yay Olimpiya Oyunlarına hazırlıqların gedişi müzakirə olunub.

Xatırladaq ki, iclasın əsas mövzusu Avropa qitəsinin qarşıdan gələn Olimpiya oyunları ilə bağlı məsələlərə münasibətini müəyyənləşdirməyə yönəlib. Komissiya üzvləri iclas zamanı müxtəlif idman tədbirləri barədə fikir mübadiləsi aparmış və o cümlədən bir sıra digər məsələləri müzakirə ediblər.

Qeyd edək ki, bu komissiyanın üzvlərinə Belarusiya, İspaniya, İtaliya, Almaniya, Yunanıstan, Kosova, Polşa, Rusiya, Malta, Norveç, San Marino, Moldova və Böyük Britaniya kimi ölkələrdən nümayəndələr daxildir.

Avropa Olimpiya Komitəsinin Olimpiya Oyunları Komissiyasının iclası qarşıdakı dövrdə həllini gözləyən bir çox məsələlərin müzakirə olunması və həyata keçirilməsi baxımından mühüm tədbirdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi