Yuxarı
    Bağlamaq

    Türkiyə Qarsda logistika mərkəzi yaratmağı planlaşdırır

    Türkiyənin şərq əyalətlərinin məhsulları bu mərkəzdən Bakı-Tbilisi-Qars dəmiryolu ilə daşınacaq

    Bakı. 10 aprel. REPORT.AZ/ Türkiyə Bakı-Tbilisi-Qars dəmiryolu dəhlizi vasitəsilə yerli məhsullarının tədarükü üçün Qarsda logistika mərkəzi tikməyi planlaşdırır.

    "Report"un "Anadolu" xəbər agentliyinə istinadən verdiyi məlumata görə, bunu Türkiyənin nəqliyyat, gəmiçilik və kommunikasiya naziri Əhməd Arslan deyib.

    "Bakı-Tbilisi-Qars dəmir yolunun iyun ayında istismara verilməsi planlaşdırılır. Bu layihə Türkiyənin şərq əyalətlərinin iqtisadi inkişafına töhfə verəcək. Türkiyə istehsalçılarının məhsulları Qarsdakı logistika mərkəzindən dünyanın müxtəlif ölkələrinə tədarük olunacaq. Bu isə həm məhsulların maya dəyərini, həm də çatdırılma müddətini xeyli azaldacaq", - deyə Ə.Arslan bildirib.

    Nazirin sözlərinə görə, Qarsdan Bakıya bir dəmiryol xətti fəaliyyət göstərəcək, sonrakı mərhələdə daşımalar Qazaxstan və Türkmənistan üzərindən Çinə qədər davam etdiriləcək: "Söhbət dəmir yolu vasitəsilə çox böyük həcmdə daşımalardan gedir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi