Yuxarı
    Bağlamaq

    Türkiyə ilə Azərbaycan arasında yüksəksürətli qatar layihəsi gündəmdədir

    Türkiyə bu sahəyə 5 milyard lirə sǝrmayǝ qoyacaq

    Bakı. 28 dekabr. REPORT.AZ/ Ankara-Sivas dəmir yolu xətti tamamlandıqdan sonra Ərzincan-Qars bağlantısı vasitəsilə Türkiyə ilə Azərbaycan arasında yüksəksürətli qatarın işə salınmasına dair layihə gündəmdədir.

    "Report" TRT-yə istinadən xəbər verir ki, bu çǝrçǝvǝdǝ Türkiyǝdǝ yüksəksürətli qatar xətti layihəsinə sǝrmayǝ qoyuluşları artırılacaq. Gələn il bu sahəyə 5 milyard lirə sǝrmayǝ qoymağı planlaşdıran Dövlət Dəmir Yolları Baş İdarəsi qonşu ölkələrə yüksəksürətli qatarla səfər etmək üçün real işlərə başlayıb. Bu sahədə əvvəlcə Şimali İraq istiqamətindəki dəmir yolu xətləri yenilənəcək.

    Ümumiyyətlə, 1759 kilometr uzunluğunda salınacaq yeni yol qardaş ölkǝ Azərbaycan ilə yanaşı, digər qonşu ölkələrə də yüksəksürətli qatarla gedib-gəlməyə imkan verəcək.

    “Azərbaycan Dəmir Yolları” QSC-nin mətbuat katibliyinin rəisi Nadir Əzməmmədov bununla bağlı bildirib ki, sərnişinlər gələn il istifadəyə verilməsi gözlənilən Bakı-Tbilisi-Qars dəmir yolu xətti ilə belə bir imkandan istifadǝ edǝ biləcəklər. “Ancaq hələlik Türkiyə tərəfindən bu istiqamətdə işlərə yeni başlanılıb. Yüksəksürətli qatar xəttinin Bakı-Tbilisi-Qars dəmir yoluna birləşdirilməsi sərnişinlərə əlavə imkanlar yaradacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi