Taleh Ziyadov: “BTQ dəmir yolu xəttinin və Çinin bir kəmər-bir yol layihəsinin reallaşdırılması hesabına yük aşırmalarında ciddi artım gözləyirik”

Bakı. 16 mart. REPORT.AZ/ “Bakı Beynəlxalq Dəniz Ticarət Limanının I fazasının tikintisi layihəsi” bu ilin ortalarında yekunlaşacaq.

"Report" xəbər verir ki, bunu “Bakı Beynəlxalq Dəniz Ticarət Limanı” QSC-nin baş direktoru Taleh Ziyadov limanın ərazisinin genişləndirilməsi ilə bağlı bildirib.

Onun sözlərinə görə, layihənin icrası limanın yük aşırma qabiliyyətinin 15 mln. tona çatmasına səbəb olacaq.

“Yaxın 3-5 il ərzində Bakı Tbilisi-Qars dəmir yolu xəttinin və Çinin bir kəmər-bir yol layihəsinin reallaşdırılması hesabına yük aşırmalarında ciddi artım gözləyirik", - o qeyd edib.