Yuxarı

Şimal-Cənub nəqliyyat dəhlizi ilə bağlı Hindistanda görüş keçiriləcək

Tədbir beynəlxalq dəhlizin iş adamları arasında təbliğinin genişləndirilməsi ilə əlaqədar keçirilir

Bakı. 14 dekabr. REPORT.AZ/ Dekabrın 22-də Hindistanın Mumbay şəhərində Şimal-Cənub Beynəlxalq Nəqliyyat Dəhlizi ilə bağlı interaktiv görüş təşkil ediləcək. Görüşə Azərbaycandan da nümayəndələr qatılacaq. Bu barədə "Report"a Nəqliyyat Nazirliyindən məlumat verilib. 

Məlumata görə, görüş Şimal-Cənub Beynəlxalq Nəqliyyat Dəhlizinin iş adamları arasında təbliğinin genişləndirilməsi məqsədilə həyata keçiriləcək. 

Qeyd edək ki, Şimal-Cənub Beynəlxalq Nəqliyyat Dəhlizinin təsisçi ölkələri (Rusiya, İran, Hindistan) arasında ticarət əlaqələrinin geniş potensiala malik olması, bu dəhlizin iştirakçısı qismində Azərbaycanın əlverişli tranzit imkanlarından geniş istifadə, habelə, Azərbaycan dəmir yollarının İran dəmir yolları şəbəkəsi ilə əlaqələndirilməsi üçün təxirəsalınmaz tədbirlərin görülməsi ilə əlaqədar dövlət başçısı İlham Əliyev də sərəncam imzalayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi