Yuxarı

​Sabahdan bəzi marşrut avtobuslarının istiqamətlərində dəyişiklik ediləcək - SİYAHI

Dəyişiklik 6 və 8 saylı marşrut avtobuslarının fəaliyyətə başlaması ilə əlaqədardır

Bakı. 5 oktyabr. REPORT.AZ/ “Baku Bus” MMC-nin 6 və 8 saylı marşrut avtobuslarının fəaliyyətə başlamsı ilə əlaqədar olaraq, sabahdan etibarən bəzi marşrut avtobuslarının istiqamətlərində dəyişiklik ediləcək.

“Bakı Sərnişin Nəqliyyatı və Yük Daşımalarının təşkili” MMC-dən "Report"a verilən məlumata görə, 88 saylı marşrut avtobusu əvvəl Azadlıq prospektindən 20-ci sahə istiqamətində hərəkət edirdisə, sabahdan etibarən isə Azadlıq prospektindən 28 may metrostansiyasına kimi fəaliyyət göstərəcək.

Həmçinin, 37 saylı marşrut avtobusu əvvəllər Avtovağzal- İçərişəhər m/s – 20-ci sahə istiqamətində fəaliyyət göstərirdisə, indi Avtovağzaldan İçərişəhər m/s-na kimi hərəkət edəcək. 13 saylı marşrut avtobusu isə fəaliyyətini dayandırır. Qeyd edək ki, 13 saylı marşrut avtobusu 7-ci mikrorayon –Həsən Əliyev küç. – Tbilisi pr. – Elmlər Akademiyası m/st istiqamətində fəaliyyət göstərirdi. İndi isə, bu marşrut xəttini "Baku Bus" MMC-yə məxsus 6 saylı marşrut avtobusu əvəz edib.

Qeyd olunan dəyişikliklər 6 oktyabr 2015-ci il tarixindən qüvvədə olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi