​Qobustan rayonunun Cəngi kəndində yerüstü piyada keçidi inşa olunur

Bakı. 8 iyul. REPORT.AZ/ Bakı-Şamaxı-Yevlax avtomobil yolunun 56-cı km-də, Qobustan rayonunun Cəngi kəndi ərazisində yeni yerüstü piyada keçidi inşa olunur. "Report"un "Azəravtoyol” ASC-yə istinadən verdiyi xəbərə görə, keçidin uzunluğu 31 metr, eni isə 2,7 metrdir. Metal konstruksiyadan inşa olunan yerüstü piyada keçidinin üstü açıq olacaq.

Qeyd edək ki, Bakı-Şamaxı-Yevlax avtomobil yolunun Bakı-Şamaxı hissəsinin 2 hərəkət zolağından 4 hərəkət zolağına uyğun yenidən qurulması işləri çərçivəsində ümumilikdə 9 ədəd yerüstü piyada keçidinin inşası planlaşdırılır.

Bundan başqa, 19 ədəd yeraltı keçidin olması da nəzərdə tutulub. Artıq həmin yeraltı keçidlərdən 13-ü tam hazır vəziyyətdədir. Keçidlərin eni 4 və 6 metr olmaqla hündürlükləri müvafiq olaraq 2,5 və 4,5 metrdir.