Qazaxın bir kəndinin su-nasos stansiyalarının və yeraltı suvarma şəbəkələrinin bərpası 2 mln. manatdan baha başa gələcək

Bakı. 10 aprel. REPORT.AZ/ “Azərbaycan Meliorasiya və Su Təsərrüfatı” ASC Qazax rayonunun Qaymaqlı kəndinin 500 hektarlıq əkin sahələrində su-nasos stansiyalarının və yeraltı suvarma şəbəkələrinin bərpasına 2,036 mln. manat pul xərcləyəcək.

“Report” xəbər verir ki, işlər “Qazax rayonunun Xanlıqlar, Kəmərli, Aslanbəyli, Qaymaqlı və İkinci Şıxlı kəndlərinin əkin sahələrini su ilə təmin etmək məqsədilə su-nasos stansiyalarının və yeraltı suvarma şəbəkələrinin bərpası” layihəsi çərçivəsində həyata keçiriləcək.

Bununla bağlı elan edilmiş açıq tenderin qalibi “Fərhad” MMC olub.