Qar uçqunu səbəbindən tutulmuş Quba-Xınalıq yolu təmizlənir - VİDEO - ƏLAVƏ OLUNUB

Video əlavə olunub.

***15:38

“Azərbaycan Avtomobil Yolları Dövlət Agentliyi (AAYDA) Quba-Xınalıq yolunda qar uçqununun təmizlənməsi istiqamətində işlər üçün 5 texnikasını cəlb edib”.

“Report” xəbər verir ki, bu barədə məlumatı AAYDA-nın İctimaiyyətlə əlaqələr şöbəsinin rəisi Anar Nəcəfli yayıb.

Onun sözlərinə görə, həm Quba, həm də Xınalıq istiqamətindən texnikaların köməyi ilə yoldan qarın təmizlənməsi işləri aparılır: “Artıq yolun 35-ci km-nə qədər yol qardan təmizlənib”.

“Hazırda işlər hər iki istiqamətdən olmaqla 35-36-cı km-lik ərazidə aparılır. Yaxın saatlarda yolun tam olaraq açılması nəzərdə tutulub”, - o vurğulayıb.