Bakı. 9 sentyabr. REPORT.AZ/ Dünən gecə saatlarında Bakı şəhərinin Neftçilər prospektində, Azərbaycan Dövlət Kukla Teatrının yaxınlığında yol təsərrüfatına ziyanın dəyməsi ilə nəticələnmiş avtomobil qəzası baş verib.
"Azəravtoyol" ASC-dən "Report"a daxil olan məlumata görə, “Range Rover Vogue” markalı avtomobilin sürücüsü idarəetməni itirərək avtomobili aşırıb, nəticədə, avtonəqliyyat vasitəsi piyada keçidinə düşüb.
Baş vermiş qəza zamanı yol təsərrüfatına ilkin hesablamalara görə 8 min manat ziyan dəyib.
Dəymiş ziyanla bağlı fakt aktlaşdırılaraq, sənədlər aidiyyəti üzrə göndərilib.