Yuxarı
    Bağlamaq

    Bakıda daha bir küçə təmir olunub

    Uzunluğu 650 metr, eni 14 metr olan küçə təmirdən sonra artıq istifadəyə verilib

    Bakı. 3 iyun. REPORT.AZ/ Bakının Nəsimi rayonu Hüseynbala Əliyev küçəsində təmir-bərpa işləri aparılıb. Uzunluğu 650 metr, eni isə 14 metr olan küçə təmirdən sonra artıq tam yeni görkəmdə sürücülərin ixtiyarına verilib.

    "Azəravtoyol" ASC-nin mətbuat xidmətindən "Report"a daxil olan məlumata görə, həmin küçədə təmir-bərpa işləri çərçivəsində yol boyu köhnə səki daşları çıxarılaraq yenisi ilə əvəzlənib, zəruri olan yerlərdə mövcud səkilər bərpa olunaraq asfaltlanıb. Ümumilikdə yol kənarlarına 1 100 poqon metr yeni səki daşı düzülüb.

    Bundan başqa, asfalt-beton örtüyünün üst qatı tamamilə qaşınaraq, ərazidən daşınıb. Bunun əvəzinə isə 10 min kv. m sahəyə yeni asfalt-beton örtüyü döşənib. 

    Aparılan işlər zamanı yeraltı kommunikasiya xətlərinin dəmir-beton plitələri qaldırılaraq, baxış qapaqları yenilənib, səth sularının kənarlaşdırılması üçün nəzərdə tutulmuş yağış-kanalizasiya sistemi işlək vəziyyətə salınaraq yağış barmaqları yenisi ilə əvəzlənib.

    Təmir-bərpa işləri tərtib olunmuş qrafikə uyğun qısa müddət ərzində aparılaraq yekunlaşdırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi