Nazir: “Azərbaycan təyyarələrinin uçuş nöqtələrinin sayının artırılması istiqamətində tədbirlər görülür”

“Azərbaycanda dəmir yolu infrastrukturunun tam yenilənməsi, yeni vaqon və lokomotivlərin alınması üzərində iş aparılır”.

"Report" xəbər verir ki, bunu Bakıda keçirilən "Avropa İttifaqı (Aİ) - Azərbaycan biznes forumunda Nəqliyyat, Rabitə və Yüksək Texnologiyalar naziri Ramin Quluzadə deyib.

Nazir həmçinin deyib ki, Azərbaycana məxsus təyyarələrin uçuş nöqtələrinin sayının artırılması istiqamətində tədbirlər görülür: “Hazırda “Azərbaycan Hava Yolları” QSC-yə məxsus təyyarələr Avropa və Asiya ölkələrinə mütəmadi uçuşlar həyata keçirir. Uçuşların sayının artırılması istiqamətində tədbirlər görülür".