İranın şifarişi ilə Avropadan Azərbaycana tranzit yüklər gələcək

İranın şifarişi ilə Avropadan Azərbaycana tranzit yüklər gələcək Sifariş bu yaxınlarda yerinə yetiriləcək
İnfrastruktur
10 Oktyabr , 2016 14:39
İranın şifarişi ilə Avropadan Azərbaycana tranzit yüklər gələcək

Bakı. 10 oktyabr. REPORT.AZ/ Bu yaxınlarda İranın "Iran Khodro" avtomobil istehsalçı şirkətinin sifarişi ilə istehsal olunan ilk konteynerlər Avropadan Azərbaycana çatıdırılacaq və buradan İrana göndəriləcək. 

"Report" xəbər verir ki, bunu "Azərbaycan Dəmir Yolları" QSC-nin sədri Cavid Qurbanov bildirib.

"Həmin yük konteynerləri Avropadan Astaraya daşınacaq. Bütövlükdə, Astaradan Poti və Batumi limanlarına gedən yol, yəni Cənub-Qərb dəhlizi məsafə baxımından yükdaşımalar üçün əlverişli yoldur. Dəhliz İranda istehsal olunan malların Avropa bazarlarına ən tez yolla çatdırılmasına şərait yaradır. Odur ki, biz bu yolu inkişaf etdirməliyik" - C.Qurbanov deyib.

Onun sözlərinə görə, qeyd edilən dəhliz üzrə ilk sifarişlər "Siemens" şirkətinin Hindistandan gələn konteynerləri olub. Onlar Azərbaycan vasitəsilə Rusiyaya göndərilib.

"Dəhlizin işlək qabiliyyətində olduğunu göstərmək çox önəmlidir. Bu bir tanıtmadır və bundan sonra da tranzit yüklər Azərbaycandan keçəcək" - C.Qurbanov söyləyib.

Qeyd edək ki, Bakıda "Azrustrans" şirkətinin təqdimatı çərçivəsində müəssisə ilə "Azərbaycan Dəmir Yolları" QSC arasında 500 taxıldaşıyan vaqonun alınmasına dair müqavilə imzalanıb.

Son xəbərlər

Orphus sistemi