Yuxarı
    Bağlamaq

    İmişlidə 6 yaşayış məntəqəsini birləşdirən avtomobil yolu yenidən qurulur

    Ümumilikdə, ikiqat olmaqla yolun 140 min kv.metr sahəsinin asfaltlanması nəzərdə tutulub

    Bakı. 5 aprel. REPORT.AZ/ İmişli rayonunun İmişli-Otuziki-Qaraqaşlı avtomobil yolunda yenidənqurma işlərinə başlanılıb. Hazırda yol boyu torpaq işləri görülür. Bu, "Azəravtoyol" ASC-dən "Report"a verilən məlumatda bildirilib.

    "Aparılan işlər zamanı zəruri olan yerlərdə yol yatağının yararsız qruntu qazılaraq çıxarılır. Bunun əvəzinə xüsusi material tökülərək yenidən kipləşdirilir. Yol geyiminin əsasının tikintisi işləri qum-çınqıl və optimal qırmadaş qarışığından aparılır. Hazır olan hissələrə isə asfalt-beton örtüyü döşənir. Artıq yolun 8 km-lik hissəsinə asfalt-beton örtüyünün ilk qatı döşənib. Ümumilikdə, ikiqat olmaqla yolun 140 min kv.metr sahəsinin asfaltlanması nəzərdə tutulub", - deyə məlumatda qeyd edilib.

    Qeyd edək ki, uzunluğu 23 km, eni 10 metr olan yol IV texniki dərəcəyə uyğun inşa olunur. Tikinti işləri çərçivəsində yolun çiyinlərinin eni hər bir istiqamət üzrə 2 metr, yolun hərəkət hissəsinin eni isə 6 metr təşkil edəcək.

    "Asfaltlanma işləri bitdikdən sonra zəruri olan yerlərdə yol nişanları, məlumatverici lövhələr və təhlükəsizlik dirəkləri quraşdırılacaq, üfiqi xətlənmə çəkilişi aparılacaq. Eyni zamanda, yol boyu zəruri olan yerlərdə 30 ədəd suötürücü boru quraşdırılacaq", - deyə məlumatda əlavə edilib.

    Qeyd edək ki, İmişli-Otuziki-Qaraqaşlı avtomobil yolunun tikintisi 6 yaşayış məntəqəsinə gediş-gəlişini xeyli asanlaşdıracaq, təhlükəsiz və maneəsiz hərəkət təmin olunmaqla yük və sərnişin daşıması rahatlaşacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi