Yuxarı

İpoteka və Kredit Zəmanət Fondu Avropa Zəmanət İnstitutları Assosiasiyasına tam hüquqlu üzv seçilib

İKZF Avropa Zəmanət İnstitutları Assosiasiyasına üzv oldu

Bakı. 27 dekabr. REPORT.AZ/ Azərbaycan İpoteka və Kredit Zəmanət Fondu (İKZF) Avropa Zəmanət İnstitutları Assosiasiyasına (AECM) tam hüquqlu üzv seçilib.

İKZF-dən “Report”a verilən məlumata görə, Fondun AECM-ə üzvlüyü Avropa ölkələrinin kredit zəmanət təşkilatlarının qabaqcıl təcrübələrindən faydalanaraq Azərbaycanda sahibkarlığının inkişafına dəstək mexanizmlərinin təkmilləşdirilməsinə və inkişaf endirilməsinə geniş imkanlar yaradacaq.

Qeyd edək ki, Assosiasiya 1992-ci ildə yaradılıb. AECM-də hazırda Avropa İttifaqının 28 ölkəsində, habelə Türkiyə, Rusiya və Serbiyada fəaliyyət göstərən 48 üzv təşkilat təmsil olunur. 2017-ci ildə AECM-ə üzv olan təşkilatların 126 mlrd. avro həcmində ümumi kredit zəmanət portfeli olub ki, onun da 74 milyardını il ərzində verilmiş zəmanətlər təşkil edib.

Təşkilatın üzvləri zəmanət fondlarından, o cümlədən kredit zəmanəti bölmələri olan inkişaf banklarından ibarətdir. Təşkilatın üzvlərinin missiyası iqtisadi cəhətdən sağlam, lakin yetərli təminatı olmayan layihələri kredit zəmanəti və digər maliyyə vasitələri ilə təmin etməkdir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi