Bakı. 3 aprel. REPORT.AZ/ Rabitə və Yüksək Texnologiyalar Nazirliyinin “Azərmarka” şirkəti daha bir poçt markası çap etdirib.
"Report" xəbər verir ki, növbəti marka Azərbaycanın görkəmli pedaqoqu və elm xadimi Əziz Şərifə həsr edilib.
Poçt markasının üzərində Ə.Şərifin şəkli təsvir olunub. Markanın nominal dəyəri 0,50 manata bərabərdir.
Qeyd edək ki, Əziz Şərif çox sayda məqalənin, elmi əsərlərin, tənqidi-bioqrafik oçerk və monoqrafiyaların müəllifidir.