Yuxarı
    Bağlamaq

    Estoniya Şimal-Cənub nəqliyyat dəhlizinə qoşulmaq niyyətindədir

    Azərbaycan ilə Estoniya arasında memorandum imzalanıb

    Bakı. 7 aprel. REPORT.AZ/ Bu gün “Azərbaycan Dəmir Yolları” QSC-də Estoniyanın dövlət idarəçiliyi naziri, Azərbaycan-Estoniya Hökumətlərarası Komissiyasının həmsədri Mixail Korbun başçılıq etdiyi nümayəndə heyəti ilə görüş keçirilib.

    “Azərbaycan Dəmir Yolları” QSC-dən "Report"a daxil olan məlumata görə, cəmiyyətin sədri Cavid Qurbanov çıxış edərək tranzit potensialının artırılması istiqamətində beynəlxalq nəqliyyat dəhlizlərinin rolu, qarşıda duran vəzifələr haqqında məlumat verib.

    Şimal-Cənub Beynəlxalq Nəqliyyat Dəhlizinin icra vəziyyətindən danışan C.Qurbanov bildirib ki, artıq Astara stansiyasından İran dövlət sərhəddinə qədər birxətli 8,3 km-lik dəmir yolunun çəkilişi və Astara çayı üzərindəki dəmir yolu körpüsünün tikintisi yekunlaşıb. Bu günlərdə sınaq qatarı sərhədi yeni tikilmiş körpü vasitəsilə keçib. Artıq İran tərəfində 600 metr uzunluğunda dəmir yolu qoyulub. Hazırda Astarada (İran) geniş işlər aparılır. Bu işlərin tərkibinə 35 hektar ərazidə dəmir yolu stansiyasının tikintisi və yüklərin boşaldılması üçün terminalın inşası da daxildir.

    İkitərəfli görüşdə qarşılıqlı əməkdaşlıq əlaqələri müzakirə olunub.

    M.Korb isə çıxış edərək ikitərəfli əməkdaşlığın bundan sonra daha da genişləndirilməsinin vacibliyini vurğulayıb. Qonaq bildirib ki, onun təmsil etdiyi ölkə Azərbaycanla bütün əlaqələrin inkişafında maraqlıdır və Şimal-Cənub dəhlizinə qoşulmaq niyyətindədir.

    Görüşdə ikitərəfli əməkdaşlığın bundan sonra daha da genişləndirilməsinin vacibliyi vurğulanıb. Tədbirin sonunda ikitərəfli memorandum imzalanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi