Daşınmaz Əmlakın Dövlət Reyestri Xidmətinin xərcləri gəlirlərini üstələyib

2019-cu ildə İqtisadiyyat Nazirliyinin Əmlak Məsələləri Dövlət Xidməti yanında Daşınmaz Əmlakın Dövlət Reyestri Xidməti (DƏDRX) 1,223 milyon manat gəlir əldə edib.

“Report” quruma istinadən xəbər verir ki, 1,207 milyon manat qeyri-birja, 16 min manat isə sair əməliyyatlardan əldə olunub.

Hesabat dövründə DƏDRX-in xərcləri isə 1,303 milyon manat, o cümlədən əməkhaqqı xərcləri və dövlət sosial sığorta ayırmaları 856 min manat, sərf etdiyi materialların dəyəri 40 min manat, amortizasiya xərcləri 123 min manat, sair əməliyyat xərcləri isə 284 min manat təşkil edib.