Yuxarı
    Bağlamaq

    Azərbaycandan Monteneqroya çarter aviareysi açılıb

    Aviareysləri Montenegro Airlines şirkəti həyata keçirir

    Bakı. 25 iyun. REPORT.AZ/ Bu gündən Bakıdan Monteneqronun Tivat şəhərinə (paytaxt Podqoritsadan 87 km şimal-qərbdə) çarter aviareysi açılıb. Yerli turizm agentliklərindən “Report”a verilən məlumata görə, bu gündən iyulun 23-nə qədər həftədə bir dəfə - cümə axşamı günləri Bakıdan saat 13:45-də reallaşacaq reyslər müxtəlif turpaketlər daxilində satılır.

    Reyslər iyulun 24-dən avqustun sonuna qədər isə həftədə iki dəfə - bazar ertəsi və cümə axşamı günləri təşkil olunacaq.

    Çarter reysləri ilə uçmaq üçün alıcılara təqdim olunan 2 nəfərlik turpaketin qiyməti 3 ulduzlu hoteldə 8 gün gecələmək və qida xidmətləri daxil olmaqla 1 990 manat, 4 ulduzlu hotel üçün - 2 244 manat, 5 ulduzlu hotel üçün isə 4 464 manatdan başlayır. 

    Qeyd edək ki, aviareyslər "Montenegro Airlines" şirkəti tərəfindən "Embraer-190" təyyarəsi ilə həyata keçirilir. Bu ilin aprel-sentyabr ayları ərzində Monteneqro Azərbaycan vətəndaşları üçün viza şərtlərini ləğv edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi