Yuxarı
    Bağlamaq

    Bu axşam Bakı küçələrinə xüsusi zolaqlar vurulacaq

    Bu, IV İslam Həmrəyliyi Oyunlarına hazırlıq işləri çərçivəsində icra olunacaq© Report.az

    Bakı. 29 mart. REPORT.AZ/ Bu axşam mayın 12-22-də Bakıda keçiriləcək IV İslam Həmrəyliyi Oyunlarında müəyyən edilmiş marşrut üzrə əsas yol şəbəkəsində “Oyunlar zolağı”nın işarələnməsi işlərinə start verilir. 

    "Report" xəbər verir ki, bunu “Azəravtoyol” ASC-nin mətbuat xidmətinin rəhbəri Anar Nəcəfli yayıb.

    Onun sözlərinə görə, “Oyunlar zolağı”nın çəkilişinə ilk olaraq Neftçilər prospektində ("Azneft" meydanından) başlanılır.

    "Bu məqsədlə axşam saat 22:00-dan səhər saatlarınadək Neftçilər prospektinin "Azneft" meydanından Əl Oyunları İdman Sarayına qədər olan hissəsində avtonəqliyyat vasitələrinin hərəkəti rənglənmə işlərinin aparıldığı zolaq üzrə hissə-hissə məhdudlaşdırılacaq.

    “Oyunlar zolağı”nın kənarlarına sarı xətt çəkiləcək və asfalt üzərində təyin edilən yerlərdə “Bakı 2017” sözləri yazılacaq.

    “Oyunlar zolağı”nın Neftçilər prospektinə ("Azneft" meydanı-Bayraq meydanı), Bakı-Ələt yolunun 2-14 km-lik hissəsinə, Bakı Dairəvi-1 avtomobil yoluna, Moskva, Ziya Bünyadov və Atatürk prospektilərinə, Vaqif və Hənifə Ələsgərov küçələrinə, həmçinin Tbilisi prospektinə çəkilməsi nəzərdə tutulub", - A.Nəcəfli əlavə edib.

    Qeyd edək ki, “Azəravtoyol” ASC Bakı 2017 IV İslam Həmrəyliyi oyunlarında müəyyən edilmiş marşrut üzrə yol şəbəkəsinin yaxşılaşdırılması istiqamətində işləri davam etdirir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi