Bakının Tbilisi prospektində avtomobil sıxlığı yaranıb

Bakı. 20 sentyabr. REPORT.AZ/ Bu gün səhər saatlarından Bakının Tbilisi prospektində (Nəqliyyat Nazirliyi istiqamətində) avtomobillərin sıxlığı müşahidə edilir. Bu barədə "Report"a Nəqliyyatı İntellektual İdarəetmə Mərkəzindən (NİİM) məlumat verilib. 

Məlumata görə, hazırda Moskva prospektində, Bakı-Sumqayıt şossesində (20 Yanvar dairəsi istiqamətində), Ziya Bünyadov prospektində, Azadlıq prospektində (Binəqədi şosesi) və İnşaatçılar prospektində də nəqliyyat vasitələrinin sıxlığı müşahidə edilir.