Yuxarı
    Bağlamaq

    Bakının daha bir neçə küçəsində üfüqi nişanlanma xətləri rənglənəcək

    Bu işlər paytaxtın Nəsimi rayonunda həyata keçiriləcək

    Bakı. 25 aprel. REPORT.AZ/ “Azəravtoyol” ASC tərəfindən Bakı şəhərində avtonəqliyyat vasitələrinin hərəkətinin tənzimlənməsi məqsədi ilə piyada keçidlərinin, yolcizgi və yolgöstərici xətlərin yenidən rənglənməsi işləri davam etdirilir. 

    Qurumdan "Report"a verilən məlumata görə, bu gün saat 11:00-dan etibarən paytaxtın Nəsimi rayonunun Səməd Vurğun, Məhəmməd Füzuli və Şamil Əzizbəyli küçələrinin kəsişməsində (Heydər Əliyev sarayının arxasında) üfüqi nişanlanma xətlərinin rənglənməsi işləri aparılacaq.

    Bu işlər axşam saatlarına qədər yekunlaşdırılacaq. 

    Bu gün saat 22:00-dan etibarən isə analoji işlər Bakının Nəsimi rayonunun Şamil Əzizbəyli, Məhəmməd Füzuli, Bülbül və Səməd Vurğun küçələrində aparılacaq. Rənglənmə işləri səhər saatlarına qədər yekunlaşdırılacaq.

    "Azəravtoyol” ASC sürücülərdən sözügedən ərazilərdə diqqətli olmalarını xahiş edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi